「M+希克藏品：別傳」展覽現場，攝於2023 年，攝影：鄭樂天，M+，香港
旁述：
歡迎嚟到「M+希克藏品：別傳」。
自M+開幕以來，今次係M+希克藏品嘅第二次展覽，聚焦1990至2000年代初嘅中國，去了解藝術家喺急速變化嘅社會之中所發展出嘅藝術語言。當中獨特嘅審美同表達方式，會令你發現中國藝術嘅另一個面向。
展覽圍繞四個主題——「消亡」、「滿則溢」、「非此非彼」同「暗湧」，冇既定嘅路線同次序。
喺呢個語音導賞，你會聽到藝術家同策展人嘅聲音，帶你仔細咁欣賞其中十組作品，探討創作背後嘅故事。亦歡迎你聆聽口述影像嘅錄音，發掘更多作品細節。
請你掃描展品標籤上嘅二維碼，或者輸入語音號碼嚟讀取內容。